Albert Guðmundsson átti góða innkomu í liði PSV sem sigraði Heracles 3:0 í hollensku úrvalsdeildinni í knattspyrnu í dag.
Albert, sem skoraði tvö mörk og lagði eitt upp fyrir varalið PSV í B-deildinni á föstudagskvöldið, kom inn á sem varamaður á 87. mínútu leiksins. Hann fiskaði víti í uppbótartíma og úr vítaspyrnunni skoraði Marco van Ginkel og gulltryggði sigur PSV.
Ginkel skoraði tvö marka PSV í leiknum en þriðja markið skoraði Hirving Lozano. PSV er í efsta sæti hollensku deildarinnar með 24 stig eftir níu leiki.