Theodór Elmar Bjarnason var tekinn af velli í uppbótartíma þegar lið hans, Elazigspor, gerði 2:2-jafntefli gegn Samsunspor í níundu umferð tyrknesku B-deildarinnar í knattspyrnu karla í dag.
Alpaslan Ozturk skoraði bæði mörk Elazigspor, en Halil Ibrahim Peksen sá um markaskorunina fyrir Samsunspor. Elazigspor hefur 15 stig eftir þetta jafntefli og situr í sjötta sæti deildarinnar sem er neðsta sætið sem veitir þátttökurétt í umspili um sæti í efstu deild á næstu leiktíð.