Knattspyrnumaðurinn Matthías Vilhjálmsson er allur að koma til eftir slæm hnémeiðsli sem urðu til þess að hann missti af síðari hluta síðasta tímabils. Matthías sleit þá krossbönd í hné og fór hann í aðgerð fyrir fimm mánuðum.
Matthías hefur síðustu vikur getað hlaupið án verkja, en hann hefur ekki enn mátt æfa með bolta. Sá áfangi náðist hins vegar í dag og eins og gefur að skilja var Matthías alsæll. Hér að neðan má sjá mynd af Matthíasi á æfingunni.
Við myndina skrifaði hann að honum liði eins og krakka, að fá loks að æfa með bolta á grasi í fyrsta skipti í fimm mánuði.
Find the beauty in the small goals said Kobe when he was injured for a long time. He was spot on. Felt like a kid touching a ball for the first time on grass in 5 months 😄 pic.twitter.com/26YgyUSWvO
— MatthíasVilhjálmsson (@MattiVilla) February 21, 2018