Ancelotti boðið að taka við landsliðinu

Ítalska knattspyrnusambandið hefur boðið Carlo Ancelotti stöðu landsliðsþjálfara karlaliðsins. Ancelotti er búinn að vera atvinnulaus síðan hann var rekinn frá Bayern München í september eftir 3:0-tap fyrir PSG í meistaradeildinni.

Ancelotti ræddi við forráðamenn sambandsins í gærkvöldi og stóð fundurinn yfir í rúman klukkutíma. Rætt var um mögulega aðstoðarþjálfara og fleiri í þjálfarateymið. 

Ítalinn hefur stýrt liðum á borð við AC Milan, Chelsea og Real Madrid á afar farsælum ferli. Hann gæti tekið við af Gian Piero Ventura, sem var rekinn eftir að Ítalíu mistókst að tryggja sér sæti í lokakeppni HM í Rússlandi. 

Samkvæmt Sky á Ítalíu er Ancelotti með tveggja ára samningstilboð á borðinu, en ekkert hefur verið samþykkt enn. 

• Blogga um frétt