Tveggja ára meiðslamartröð á enda

Santi Cazorla sneri aftur á knattspyrnuvöllinn í gærkvöldi og spilaði sinn fyrsta leik í næstum tvö ár eftir erfið meiðsli.

Cazorla er 33 ára miðjumaður en hann sleit hásin í leik með Arsenal haustið 2016 í leik í Meistaradeildinni. Við tók löng og ströng endurhæfing en hann yfirgaf Arsenal síðastliðið vor eftir að samningur hans rann út við félagið.

Hann samdi á dögunum við Villarreal á Spáni og tók þátt í vináttuleik liðsins í gær gegn Hercules, leiknum lauk með 1:1-jafntefli.

„Ég er ótrúlega ánægður að vera aftur farinn að gera það sem ég elska. Það er mikil vinna fram undan en ég er öllum sem hafa hjálpað mér ævinlega þakklátur.“

• Blogga um frétt