Kólumbíski markmaðurinn David Ospina leikur með ítalska liðinu Napoli á komandi leiktíð. Hann kemur til félagsins á lánssamningi frá Arsenal. Ospina er þriðji markmaðurinn sem Napoli fær til sín í sumar.
Alex Meret og Orestis Karnezis höfðu áður gengið í raðir Napoli, báðir frá Udinese. Pepe Reina, Rafael og Luigi Sepe yfirgáfu allir Napoli fyrr í sumar.
Ospina kom til Arsenal árið 2014 frá Nice, en eftir komu Bernd Leno til félagsins var Ospina orðinn þriðji kostur á eftir Þjóðverjanum og Petr Cech.