U17 ára lið kvenna í knattspyrnu vann í dag 1:0 sigur gegn Aserbaídsjan í undankeppni EM en riðill Íslands er spilaður í Moldóvu.
Hin 15 ára gamla Þórhildur Þórhallsdóttir úr liði HK/Víkings skoraði sigurmarkið á 65. mínútu eftir að hafa komið inn á sem varamaður á 59. mínútu. Þórhildur hefur komið við sögu í 14 leikjum HK/Víkings í Pepsi-deildinni í sumar en þess má geta faðir hennar, Þórhallur Víkingsson, þjálfar lið HK/Víkings.
Ísland mætir Moldóvu á laugardaginn og Englandi á þriðjudaginn en England vann í dag stórsigur gegn Moldóvu, 6:0. Tvö efstu liðin komast áfram í milliriðla keppninnar en úrslitakeppnin fer síðan fram í Búlgaríu næsta sumar.
Byrjunarlið Íslands:
Cecilía Rán Rúnarsdóttir (M)
Hafrún Rakel Halldórsdóttir
Áslaug Dóra Sigurbjörnsdóttir
Andrea Marý Sigurjónsdóttir
Arna Eiríksdóttir
Ragna Guðrún Guðmundsdóttir
Clara Sigurðardóttir (F)
Ólöf Sigríður Kristinsdóttir
Jana Sól Valdimarsdóttir
Ída Marín Hermannsdóttir
Birta Georgsdóttir