Lionel Messi dró á Cristiano Ronaldo á listanum yfir markahæstu leikmenn í sögu Meistaradeildar Evrópu í knattspyrnu í gær þegar hann skoraði þrennu gegn PSV í 4:0 sigri Barcelona.
Þetta var 48. þrennan hjá Messi á ferlinum og sú áttunda í Meistaradeildinni en hann hefur skorað 17 mörkum færra en Ronaldo í Meistaradeildinni.
Ronaldo hefur skorað samtals 120 mörk fyrir Manchester United og Real Madrid en í kvöld spilar hann með sínu þriðja liði í Meistaradeildinni þegar Juventus mætir Valencia á útivelli.
Markahæstu leikmenn í sögu Meistaradeildarinnar:
Cristiano Ronaldo – 120
Lionel Messi – 103
Raul – 71
Ruud van Nistelrooy – 56
Karim Benzema – 56