Alfreð Finnbogason var í byrjunarliði Augsburg sem gerði markalaust jafntefli við RB Leipzig í þýsku 1. deildinni í knattspyrnu í Augsburg í dag. Gestirnir frá Leipzig voru sterkari aðilinn í leiknum og áttu ellefu marktilraunir gegn fimm marktilraunum Augsburg.
Alfreð var skipt af velli á 58. mínútu en hann hefur skorað fjögur mörk í þremur leikjum með Augsburg í þýsku 1. deildinni á þessari leiktíð. Augsburg er í áttunda sæti deildarinnar með 9 stig eftir fyrstu átta leiki sína, einu stigi frá Evrópusæti.