Hörður Björgvin Magnússon varð í kvöld 13. Íslendingurinn til að spila í Meistaradeild Evrópu í karlaflokki.
Hörður Björgvin og Arnór Sigurðsson léku allan tímann fyrir rússneska liðið CSKA Moskva sem tapaði fyrir sterku liði Roma á Ítalíu.
Eden Dzeko reyndist CSKA Moskvu erfiður en hann skoraði tvö fyrstu mörkin og lagði svo upp þriðja markið fyrir Cengiz Under.
Hörður Björgvin lék í hjarta varnarinnar en Arnór spilaði á miðjunni og nældi sér í gult spjald seint í leiknum.
Fyrir umferðina í kvöld var CSKA Moskva í efsta sæti en eftir leiki kvöldsins er liðið í þriðja sætinu með 4 stig, tveimur stigum á eftir Roma og Real Madrid.