Aron Einar Gunnarsson, landsliðsfyrirliði í knattspyrnu, er að nálgast það að verða lærisveinn Heimis Hallgrímssonar hjá Al Arabi í Katar ef marka má nýjustu færslu á Twitter-síðu félagsins.
Færslan sem birtist nú fyrir stundu er hljóðbrot þar sem Egill Einarsson virðist vera að keyra upp stemningu á meðal áhorfenda. Myndskeiðið endar svo á því að ónefndur einstaklingur segir:
„Al Arabi, I‘m coming“ eða „Al Arabi, ég er að koma.“ Ef vel er hlustað virðist vera sem rödd Arons Einars heyrist á upptökunni.
Samningur Arons við Cardiff rennur út í sumar en hann hefur leikið með velska liðinu frá árinu 2011 og hefur verið lykilmaður þess undanfarin ár. Hann hefur verið sagður ætla að yfirgefa félagið eftir tímabilið og var orðaður bæði við Katar og Sádi-Arabíu fyrr á árinu.
⏰ -1 pic.twitter.com/9kr3cfL5EN
— Al-Arabi Sports Club (@alarabi_club) March 18, 2019