Strákarnir hans Guðjóns Þórðarsonar í færeyska liðinu NSÍ verða í eldlínunni í forkeppni Evrópudeildar UEFA í knattspyrnu í kvöld.
NSÍ sækir N-írska liðið Ballymeny United heim í fyrri leiknum í forkeppninni en lærisveinar Guðjóns tróna á toppi færeysku úrvalsdeildarinnar.
Guðjón þekkir vel til fótboltans á Bretlandseyjum eftir að hafa stýrt ensku liðunum Stoke City, Barnsley, Notts County og Crewe Alexandra.
Síðustu árin hefur NSÍ mætt liðum frá Bretlandseyjum í Evrópudeildinni. Liðið tapaði samanlagt fyrir enska liðinu Fulham 3:0, það tapaði 5:4 samanlagt fyrir írska liðinu Linfield og 12:5 samanlagt á móti skoska liðinu Hibernian.
Ballymeny United hafnaði í öðru sæti í n-írsku úrvalsdeildinni á síðustu leiktíð en nýtt tímabil í deildinni hefst 10. ágúst.