„Ég svara ekki svona kjaftæði“

Spænska blaðið Marca greinir frá því að Tottenham sé tilbúið að fá Gareth Bale aftur til liðs við sig og sé reiðubúið að greiða upphæð á bilinu 50-60 milljónir evra fyrir Wales-verjann.

Umboðsmaður Bale var ekki lengi að skjóta þessa frétt í kaf og lét hafa eftir sér:

„Ég svara ekki svona kjaftæði.“

Bale hefur átt frekar erfitt uppdráttar hjá Real Madrid upp á síðkastið og talið hefur verið að Real Madrid sé reiðubúið að losa sig við hann.

Bale, sem heldur upp á þrítugsafmæli sitt í dag, kom til Real Madrid frá Tottenham árið 2013 og er samningsbundinn Madridarliðinu til ársins 2022. Hann skoraði 14 mörk og gaf 7 stoðsendingar í 42 leikjum með Real Madrid á síðustu leiktíð.

• Blogga um frétt