Viðar lagði upp sigurmarkið

Viðar Ari Jónsson í leik með FH á síðasta ári.
Viðar Ari Jónsson í leik með FH á síðasta ári. mbl/Arnþór Birkisson

Viðar Ari Jónsson lék stórt hlutverk í sigri Sandefjord á Kongsvinger í norsku B-deildinni í knattspyrnu í kvöld, 1:0.

Viðar hóf leikinn á varamannabekknum en var skipt inná á 67. mínútu. Á 79. mínútu lagði hann upp sigurmark Sandefjord fyrir Pontus Engblom. 

Sandefjord stendur þar með vel að vígi í öðru sæti deildarinnar með 33 stig eftir fjórtán umferðir, tveimur stigum á eftir toppliði Aalesund. Fimm stig eru í næsta lið sem er Raufoss. Emil Pálsson er einnig í röðum Sandefjord en hann hefur verið frá æfingum og keppni síðan í desember eftir að hafa slitið hásin.

mbl.is
Fleira áhugavert
Fleira áhugavert