Sinisa Mihajlovic, knattspyrnustjóri Bologna á Ítalíu, sneri aftur á æfingasvæðið í gær eftir sjúkrahúslegu en hann glímir við hvítblæði eins og tilkynnt var um í sumar.
Mihajlovic er nýkominn úr umfangsmikilli lyfjameðferð sem var sú þriðja í ferlinu hjá Serbanum.
Mihajlovic hélt starfi sínu þrátt fyrir veikindin og mun stýra liði sínu gegn Parma á morgun.
Sinisa Mihajlovic er fimmtugur og hefur stýrt mörgum liðum á Ítalíu á undanförnum árum en hann er kominn með ítalskt vegabréf eftir langa búsetu í landinu. Auk þess var hann landsliðsþjálfari Serbíu í eitt ár 2012-2013.
Mihajlovic lék lengi á Ítalíu en áður var hann í sterku liði Rauðu stjörnunnar frá Belgrað sem sigraði í Evrópukeppni meistaraliða.
THE BOSS IS 🔙 WHERE HE BELONGS ❤️💙😎#WeAreOne pic.twitter.com/XEg3K5GRBZ
— Bologna FC 1909 (@BolognaFC1909en) November 21, 2019