Senda inn efni
Ólafur Stefánsson með silfurverðlaunapeninginn mbl.is/Brynjar Gauti
Unnu Bandaríkjamenn silfrið?
Bloggað um fréttina
-
Vinir Ketils bónda, áhugamannafélagHvaða vitleysa ..?
-
Torfi Jóhannsson - Framtíðin er okkar.Fyrsta skrefið í að taka upp USD$ og ganga inn í…
-
Bergur ThorbergKaninn við sama heygarðshornið
Hin virta fréttastofa AP sendi á dögunum út frétt þar sem fram kom upptalning á fjölmörgum verðlaunum Bandaríkjanna á Ólympíuleikunum í Peking. Meðal þeirra verðlauna sem sagt var að Bandaríkin hefðu unnið gull í körfubolta og blaki ásamt því að landa silfurverðlaunum í handbolta.
Birtist fréttin nær óbreytt um allan heim, án þess þó að birtast í miðlum á Íslandi, enda vita Íslendingar betur. Þetta kemur fram á vefsíðu KOM, almannatengsla í dag.
Rússar unnu silfrið í kvennaflokki og auðvitað var það Ísland sem vann silfrið í karlaflokki.
Fréttastofan sendi svo frá sér leiðréttingu í dag eftir að starfsmaður KOM benti á mistökin þar sem fram kemur að Ísland hafi unnið silfrið og Bandaríkin hafi ekki einu sinni átt handknattleikslið í keppninni. Svona getur þetta verið. Allar fréttastofur geta gert mistök, sama hversu stórar þær eru.
Til baka