Sundkonan efnilega Eygló Ósk Gústafsdóttir úr Ægi varð í dag Norðurlandameistari ungmenna í 800 metra skriðsundi. Hún kom í mark á 8:54,93 mínútum sem er aðeins frá hennar besta tíma en dugði engu að síður til öruggs sigurs.
NMU fer nú fram í Kaupmannahöfn og á Ísland sex fulltrúa á mótinu. Anton Sveinn McKee úr Ægi vann til silfurverðlauna í 1500 metra skriðsundi á 15:52,17 mínútum og bætti sig um sekúndu eða þar um bil.
Keppni heldur áfram nú eftir hádegi.