Jamaíska hlaupakonan Danielle Williams varð rétt í þessu heimsmeistari í 110 metra grindarhlaupi kvenna. Williams hljóp á 12,57 sem er persónulegt met hjá henni.
Þjóðverjinn Cindy Roleder varð í öðru sæti einungis tveimur sekúndubrotum á eftir Williams.
Bronsið féll svo í skaut Hvít-Rússans Alina Talay sem bætti landsmetið í hlaupinu.
Ríkjandi heimsmeistari í greininni, Bandaríkjamaðurinn Brianna Rollins hóf hlaupið á að hlaupa niður grind og náði sér aldrei almennilega á strik eftir það og hafnaði að endingu í fjórða sæti.