Theodór Kjartansson, Skotdeild Keflavíkur varð Íslandsmeistari 2015 í 300m liggjandi riffli en keppnin um titilinn fór fram í gær, 29 ágúst, á skotvelli Skotdeildar Keflavíkur í Höfnum.
Theodór skoraði 563 stig í 60 skotum og var 10 stigum á undan Arnfinni Jónssyni, Skotíþróttafélagi Kópavogs sem hreppti annað sætið. Skor Arnfinns var 553 stig.
Guðmundur Óskarsson, Skotdeild Keflavíkur, varð þriðji á 546 stigum en Guðmundur átti hæsta skor í einstakri hrinu, 98 stig af 100 mögulegum.
Í liðakeppninni sigraði A sveit Skotdeildar Keflavíkur en sveitina skipuðu þeir Theodór og Guðmundur auk Barkar Þórðarsonar.