Aftur tvöfalt hjá Norðfirðingum

KA tók á móti Þrótti frá Neskaupstað annan daginn í röð á Íslandsmóti karla og kvenna í blaki í KA-heimilinu í gær. Rétt eins og í fyrrakvöld unnu Þróttarar báða leikina; 3:0 í karlaleiknum og 3:1 í kvennaleiknum.

Stigahæstar í kvennaliði KA voru Unnur Árnadóttir með 11 stig og þrjár með 10 stig, Hulda Elma Eysteinsdóttir, Ásta Lilja Harðardóttir og Arnrún Eik Guðmundsdóttir. Stigahæstar í liði Þróttara voru María Rún Karlsdóttir með 31 stig og Gígja Guðnadóttir með 17 stig.

Stigahæstir í karlaliði KA gegn Þrótti voru Ævarr Freyr Birgisson með 20 stig og Valur Traustason með 15 stig.

• Blogga um frétt