Bjarni Ottósson úr Hnefaleikafélagi Reykjavíkur tryggði sér í kvöld sæti í undanúrslitum á Íslandsmeistaramótinu í ólympískum hnefaleikum, í -75 kg flokki.
Hann sigraði Jóhann Friðrik úr Hnefaleikafélaginu Æsi eftir einróma ákvörðun dómara. Undanúrslit fara fram í Mjölniskastalanum, gömlu keiluhöllinni í Öskjuhlíð, á laugardaginn en úrslit ráðast síðan á sunnudagskvöldið.