Skíðakonan Elsa Guðrún Jónsdóttir keppti í dag í skiptigöngu á heimsmeistaramótinu í norrænum skíðaíþróttum í Lahti í Finnlandi.
Gangan var 7,5 km löng í dag og fór Elsa Guðrún gönguna á 47:39,6 mínútum og lenti í 49. sæti.
Elsa vann síðasta miðvikudag undankeppnina fyrir lengri greinar á mótinu og hefur nú þegar keppt í sprettgöngu en í viðtali við mbl.is á dögunum sagðist hún spenntust fyrir 10 km göngunni sem keppt er í næsta þriðjudag með hefðbundinni aðferð.