Um helgina taka fimm Íslendingar þátt á skoska meistaramótinu í fjölþrautum innanhúss. Mótið fer fram í Glasgow á Emirates Arena.
María Rún Gunnlaugsdóttir úr FH er eini kvenmaðurinn í hópnum. Hún keppir í fimmtarþraut, en hún varð Íslandsmeistari í fimmtarþraut í janúar.
Fjórir karlmenn keppa í sjöþraut. Þeir eru Tristan Freyr Jónsson úr ÍR, Ingi Rúnar Kristinsson úr Breiðabliki, Ísak Óli Traustason úr UMSS og Ari Sigþór Eiríksson úr Breiðabliki. Þessir kappar röðuðu sér í fjögur efstu sætin í karlaflokki á Íslandsmeistaramótinu sem fram fór í janúar.
Keppni hefst klukkan 10 báða dagana, lýkur um kl. 16 á laugardeginum og um kl. 17:30 á sunnudeginum. HÉR má nálgast heimasíðu mótsins og HÉR er hægt að fylgjast með úrslitum