Ísland vann til gullverðlauna með sigri á Kýpur, 3:1, í úrslitaleik á Evrópumóti smáþjóða í blaki kvenna sem fram fór í Lúxemborg og lauk í gær Íslenska liðið hóf keppni á tapi gegn Skotlandi en vann Færeyjar, Lúxemborg og Kýpur í næstu leikjum og stóð uppi sem sigurvegari.
Með sigrinum á mótinu tryggði íslenska landsliðið sér sæti riðlakeppni Evrópumeistaramóts landsliða í fyrsta sinn í sögunni sem gerir sigurinn í mótinu í Lúsemborg enn sætari.
„Jú, það gekk mjög eftir erfiða byrjun. Við misstum einn af allra bestu leikmönnum okkar mjög óvænt í botnlangauppskurð. Það sló okkur svolítið út af laginu og það tók smá tíma að finna taktinn aftur,“ segir landsliðskonan þrautreynda Fríða Sigurðardóttir í samtali við Morgunblaðið. Elísabet Einarsdóttir, einn allra besti leikmaður liðsins, fékk sýkingu í botnlanga og gat ekki tekið þátt í mótinu um helgina.
Sjá nánar í íþróttablaði Morgunblaðsins í dag.