Heimsmeistarinn í 18 mánaða bann

Sjöfaldi heimsmeistarinn í skíðagöngu Therese Johaug var dæmd í 18 mánaða keppnisbann eftir að hafa fallið á lyfjaprófi í september á síðasta ári, en í henni mældist árangursaukandi steraefnið clostebol. Hún fullyrðir að efnið hafi hún fengið í líkamann vegna notkunar Trofodermin, krems sem hún samkvæmt læknisráði smurði á varir sínar vegna mikils varaþurrks, þegar norska landsliðið var við æfingar á Ítalíu í ágúst á síðasta ári.

Hún var dæmd í 13 mánaða keppnisbann í febrúar, en nú hefur bannið verið framlengt í 18 mánuði. Þar með mun hún missa af Vetrarólympíuleikunum á næsta ári, en Johaug er þrefaldur ólympíuverðlaunahafi. Næsta stórmót sem hún mun geta stefnt að því að keppa í, er heimsmeistaramótið árið 2019.

Frétt af mbl.is

Skíðagöngudrottningin fékk 13 mánaða bann

Frétt af mbl.is

„Ég ber enga ábyrgð á þessu“

Frétt af mbl.is

Á yfir höfði sér fjórtán mánaða bann

• Blogga um frétt