Luis Suárez skoraði tvö marka Barcelona þegar liðið vann þægilegan 3:0-sigur gegn Leganés í 12. umferð spænsku efstu deildarinnar í knattspyrnu karla í dag.
Fyrra mark Suárez var fyrsta mark hans fyrir Barcelona í rúman mánuð, en hann hafði leikið sex leiki án þess að finna netmöskva andstæðinganna áður kom að leiknum í dag. Paulinho bætti síðan þriðja marki Barcelona við í uppbótartíma leiksins.
Barcelona hefur 34 stig eftir þennan sigur og situr í toppsæti deildarinnar. Barcelona hefur sjö stiga forskot á Valencia sem á þó leik til góða á topplið deildarinnar.