Ingibjörg Kristín Jónsdóttir komst ekki áfram úr undanrásum í 50 metra flugsundi á Evrópumeistaramótinu í 25 metra laug sem nú stendur yfir í Kaupmannahöfn.
Ingibjörg synti í fyrsta undanriðli og varð önnur í riðlinum á tímanum 27,17 sekúndum. Það var 35. besti tíminn af 47 í undanrásunum, en sundkonurnar með 16 bestu tímana komust áfram í undanúrslit.
Ingibjörg hefði þurft að synda á 26,52 sekúndum til að komast í undanúrslit.