Blandaða sveit Íslands í 4x50 metra fjórsundi var að koma í mark á Evrópumeistaramótinu í 25 metra laug sem nú stendur yfir í Kaupmannahöfn.
Íslenska sveitin synti á 1:45,45 mínútum en það var lakasti tíminn í undanriðlunum tveimur. Sveitina skipuðu þau Kristinn Þórarinsson, Aron Örn Stefánsson, Ingibjörg Kristín Jónsdóttir og Eygló Ósk Gústafsdóttir.
Allir íslensku keppendurnir hafa því lokið keppni í dag, en Eygló Ósk, Aron Örn og Kristinn verða öll í eldlínunni á morgun.