Snæfríður Sól Jórunnardóttir hafnaði í 32. sæti af 42 keppendum í 200 metra skriðsundi á Evrópumeistaramótinu í 25 metra laug sem haldið er í Royal Arena í Kaupmannahöfn.
Snæfríður synti á tímanum 2.01,05 í undanrásum en hún varð síðust í sínum riðli og komst ekki áfram í undanúrslit sem fara fram síðar í dag.
Kristinn Þórarinsson úr Fjölni vann sinn riðil í undanrásum í 100 metra fjórsundi. Hann synti á 55,12 sekúndum og hafnaði í 30. sæti af 48 keppendum.