Silfur og brons til Íslendinga (myndskeið)
Setja bókamerki
Íslenskt karatefólk vann til silfurverðlauna og bronsverðlauna á stóru æfingamóti í Wald-Michelbach í Þýskalandi um nýliðna helgi.
Iveta Ivanova keppti til úrslita í Junior flokki í -53 kg flokki gegn Jil Auger frá Þýskandi. Sú þýska þykir ein fremsta von Þjóðverja í framtíðinni en hún og Ivanova eru í baráttu um sæti á ólympíuleikjum ungmenna sem haldnir verða í Argentínu í haust. Iveta leiddi bardagann þar til lítið var eftir en þá seig sú þýska fram úr og náði tæpum sigri, 4-3, eftir æsispennandi leik. Bardaga þeirra má sjá í meðfylgjandi myndskeiði.
Íslandsmeistarinn Máni Karl Guðmundsson vann til bronsverðlauna í -67 kg flokki í U21 árs flokki. Hann vann fjóra bardaga en tapaði tveimur.
Samuel Ramos keppti í -57 kg flokki cadet (14 til 15) ára, vann einn bardaga og tapaði tveimur og komst því ekki nærri verðlaunasæti.
Claus Bitsch, unglingalandsliðsþjálfari Þýskalands, heldur árlegar æfingabúðir með móti í bænum og er helgin fullmönnuð þátttakendum hvert ár. Þetta skiptið var metfjöldi, nærri 700 þátttakendur frá Þýskalandi og víðsvegar frá Evrópu. Viðburðurinn er hluti af úrtöku fyrir þýska unglingalandsliðið.
Kvikan virðist nú skiptast til helminga
Markaðurinn hitnar og leiguverð hækkar hratt
„Tíminn er runninn út fyrir Kristján Loftsson“
Innviðir þandir og álagið „gríðarlegt“
Segir óábyrgt að skipta út öllu bankaráðinu
Mikil skjálftavirkni á landinu áhyggjuefni
Benda á Samgöngustofu sem bendir út í heim
Aukin tíðni þungunarrofa hjá yngsta aldurshópnum