Nýr landsliðsþjálfari ráðinn

Borja Vicente er nýr landsliðsþjálfari.
Borja Vicente er nýr landsliðsþjálfari. Ljósmynd/Blaksamband Íslands

Emil Gunnarsson sagði starfi sínu lausu sem aðalþjálfari kvennalandsliðsins í blaki og hefur Blaksamband Íslands gengið frá samkomulagi við Borja Vicente um að taka við liðinu fram yfir Smáþjóðaleikana 2019.

Samkvæmt frétt á blakfrettir.is sagði Emil upp vegna veikinda í fjölskyldunni, en hann stýrði landsliðinu í tvo mánuði eftir að Daniele Capriotti hætti. 

Borja Vicente hefur stýrt Þrótti á Neskaupstað undanfarin ár. Ana Vidal verður honum innan handar, en hún hefur einnig þjálfað í Neskaupstað. 

mbl.is
Fleira áhugavert
Fleira áhugavert