Hilmar Snær Örvarsson úr Víkingi féll í seinni ferðinni á lokamóti heimsbikars fatlaðra í svigi í Frakklandi í dag. Missti Hilmar þar með af möguleikanum á verðlaunum en hann var þriðji að fyrri ferðinni lokinni.
Hilmar skíðaði á 51,08 sekúndum í fyrri ferðinni en þar sem hann náði ekki að ljúka seinni ferðinni er hann úr leik.
Þar með er keppnistímabilinu lokið hjá Hilmari á alþjóðlegum mótum. Hann gerði það gott á tímabilinu og vann heimsbikarmót í svigi í Zagreb og hafnaði í 4. sæti í svigi á HM fatlaðra.