Viktor Gísli Hallgrímsson átti góðan leik fyrir GOG þegar liðið vann fjögurra marka sigur gegn Holstebro í oddaleik liðanna um þriðja sæti dönsku úrslitakeppninnar í handknattleik í Gudme í Danmörku í dag.
Leiknum lauk með 33:29-sigri GOG en Viktor Gísli varði tólf skot í marki GOG og var með tæplega 32% markvörslu.
Óðinn Ríkharðsson komst ekki á blað hjá Holstebro en hornamaðurinn átti tvö skot á markið í leiknum.
GOG vann einvígið samtals 2:1 en liðið hafnaði í efsta sæti dönsku úrvalsdeildarinnar í vor.