Íþróttir | mbl | 20.3.2023 | 10:27 | Uppfært 10:43

Settu nýtt Íslandsmet um helgina

Jórunn Harðardóttir vann þrefalt um helgina. Styrmir Kari

Um helgina fór fram Landsmót Skotíþróttasambands Íslands í loftbyssugreinum í Digranesi í Kópavogi.

Þær Jórunn Harðardóttir (547), Kristína Sigurðardóttir (538) og Elísabet Xiang Sveinbjörnsdóttir (474) skipuðu lið Skotfélags Reykjavíkur í kvennaflokki sem endaði með 1.559 stig. Það er nýtt Íslandsmet, en gamla metið átti sveit SA sem var 1.542 stig.

Í loftskammbyssu karla sigraði Ívar Ragnarsson úr SFK með 561 stig , Bjarki Sigfússon úr SFK varð annar með 536 stig/8x og Guðmundur A. Hjartarson úr SK þriðji með 536 stig/6x.

Í kvennaflokki sigraði Jórunn Harðardóttir úr SR með 547 stig, Kristína Sigurðardóttir úr SR varð önnur með 538 stig og Aðalheiður Lára Guðmundsdóttir úr SSS varð þriðja með 535 stig.

Í drengjaflokki vann Óðinn Magnússon úr SKS gullið með 504 stig og silfrið hlaut Adam Ingi H. Franksson úr SKS með 458 stig.

Í flokki stúlkna sigraði Elísabet Xiang Sveinbjörnsdóttir úr SR með 474 stig og í öðru sæti varð Elín Kristín Ellertsdóttir úr SKS með 428 stig. Í liðakeppni karla sigraði A-sveit SFK með 1.589 stig en sveit SKS varð önnur með 1.509 stig.

Í loftriffli karla sigraði Guðmundur Helgi Christensen úr SR með 594,1 stig, Þórir Kristinsson úr SR varð annar með 556,9 og Þorsteinn Bjarnason hlaut bronsið með 501,1 stig.

Í kvennaflokki sigraði Jórunn Harðardóttir úr SR með 574,1 stig og Íris Eva Einarsdóttir úr SR með 559,8 stig.

Gullið í drengjaflokki hlaut Adrian Snær Elvarsson úr SFK með 359,9 stig.