Annar hringurinn á Íslandsmótinu í golfi er í fullum gangi, en í kvennaflokki eru efstu kylfingar komnir langt með fyrri níu holurnar.
Efstar og jafnar þegar þetta er skrifað eru þær Valdís Þóra Jónsdóttir og Ragnhildur Kristinsdóttir, báðar á fimm höggum yfir pari. Valdís er búin með fyrri níu holurnar en Ragnhildur er búin með sjö.
Ríkjandi Íslandsmeistari Sunna Víðisdóttir er á tveimur höggum yfir pari í dag og samtals á ellefu höggum yfir pari.