Nú er orðið ljóst hverjir mætast í úrslitum Íslandsmótsins í holukeppni, KPMG-bikarsins í golfi, sem fram fer á Vestmannaeyjavelli þar sem leiknar eru 13 holur en ekki 18 á mótinu.
Í kvennaflokki mætast Keiliskonurnar Helga Kristín Einarsdóttir og Guðrún Brá Björgvinsdóttir.
Alfreð Brynjar Kristinsson, GKG, leikur til úrslita gegn Agli Ragnari Gunnarssyni, GKG, í karlaflokki.
Helga Kristín sigraði Önnu Sólveigu Snorradóttir, GK, 4/3 en Guðrún Brá vann 7/6 sigur á Hafdísi Öldu Jóhannsdóttur, GK.
Egill Ragnar sigraði Stefán Þór Bogason, GR, 7/5 á mðean Alfreð Brynjar lagði Jóhannes Guðmundsson, GR, 3/2.
Enginn af þeim kylfingum sem komnir eru í úrslit hafa unnið mótið áður og ljóst að ný nöfn verða grafin á bikarinn í báðum flokkum.