Haraldur og Gunnhildur efst

Haraldur Franklín Magnús er efstur í karlaflokki.
Haraldur Franklín Magnús er efstur í karlaflokki. Ljósmynd/GSÍ

Atvinnukylfingurinn Haraldur Franklín Magnús er efstur í karlaflokki eftir annan keppnisdag í Securitas-mótinu í golfi. Mótið er síðasta mót Eimskipsmótaraðarinnar á tímabilinu og fer það fram á Grafarholtsvelli. 

Haraldur lék á þremur höggum undir pari og er hann á samtals átta höggum undir pari fyrir lokadaginn á morgun. Guðmundur Ágúst Kristjánsson og Aron Snær Júlíusson eru jafnir í 2.-3. sæti á fimm höggum undir pari. 

Í kvennaflokki er Gunnhildur Kristjánsdóttir efst á átta höggum yfir pari. Hún er einu höggi á undan Sögu Traustadóttur sem er í öðru sæti. 

Lokadagur mótsins fer fram á morgun. 

mbl.is
Fleira áhugavert
Fleira áhugavert