Guðrún Brá Björgvinsdóttir, Íslandsmeistari í golfi, lék þriðja hringinn á Bossey Ladies Championship-mótinu á 75 höggum, fjórum höggum yfir pari. Mótið er í LET-Acess mótaröðinni, næststerkustu mótaröð Evrópu.
Guðrún lék fyrri tvo hringina á 70 höggum, einu höggi undir pari og er hún því á samanlagt tveimur höggum yfir pari eftir þrjá hringi. Hún er í 27. sæti ásamt nokkrum öðrum kylfingum fyrir fjórða og síðasta hringinn á morgun.
Berglind Björnsdóttir lék einnig á mótinu en hún komst ekki í gegnum niðurskurðinn eftir tvo hringi.