Íslenska landsliðið í handknattleik kvenna mætir Evrópumeisturum Svartfjallalands í umspilsleikjum fyrir heimsmeistaramótið í handknattleik kvenna sem haldið verður í Danmörku eftir eitt ár. Leikirnir var Svarfellinga fara fram í fyrri hluta júní og verður síðari viðureignin á Íslandi.
Ísland var í neðri styrkleikaflokki þegar dregið var í Búdapest í hádeginu. Vart er hægt að segja að íslenska landsliðið hafi verið heppið með andstæðing. Bót er þó í máli að síðari leikurinn verður í Laugardalshöllinni 13. eða 14. júní.
Eftirfarandi þjóðir drógust saman:
Frakkland - Slóvenía
Þýskaland - Rússland
Serbía - Rúmenía
Holland - Tékkland
Úkraína - Pólland
Svartfjallaland - Ísland
Austurríki - Ungverjaland
Króatía - Svíþjóð
Noregur/Spánn - Slóvakía
Noregur og Spánn leika til úrslita á Evrópumeistaramótinu síðar í dag. Taplið þeirrar viðureignar mætir Slóvökum í umspilsleikjunum.