Gunnar Steinn Jónsson og samherjar hans í Gummersbach unnu eins marks útisigur 30:29 á Wetzlar í efstu deild þýska handboltans í kvöld.
Gunnar Steinn skoraði 1 mark fyrir Gummersbach í leiknum sem siglir hinn umtalaða lygna sjó í 10. sæti.
Í næstu deild fyrir neðan vann Íslendingaliðið Aue lið Neuhausen 35:23 á heimavelli.
Þar skoruðu frændurnir Árni Þór Sigtryggsson og Sigtryggur Rúnarsson fimm mörk hvor. Hörður Fannar Sigþórsson gerði auk þess þrjú mörk og landsliðsmaðurinn Bjarki Már Gunnarsson eitt.
Aue er í 9. sæti deildarinnar.