Aron Rafn Eðvarðsson, landsliðsmarkvörður í handknattleik, var í sigurliði í dag er BBM Bietigheim sigraði HG Saarlouis 32:28 í þýsku 2. deildinni í dag. Bietigheim hefur unnið fyrstu sex leiki tímabilsins.
Aron framlengdi samning sinn við Bietigheim í sumar en hann gerði þá tveggja ára samning við félagið.
Liðið hefur nú unnið fyrstu sex leiki deildarinnar en liðið bar sigur úr býtum gegn Saarlouis í dag, 32:28. Leikurinn var allan timann í höndum Bietigheim en staðan var 15:12 í hálfleik.
Bietigheim er eins og áður segir með fullt hús stiga eftir fyrstu sex umferðir mótsins en Saarlouis er í tólfta sætinu.
Oddur Gretarsson gerði þá eitt mark er lið hans Emsdetten tapaði 29:28 fyrir Ferndorf.
Emsdetten er í átjánda sæti deildarinnar með þrjú stig.