Íslendingaliðið Aue komst loks á sigurbraut á ný eftir að hafa tapað sjö leikjum í röð í þýsku 2. deildinni í handknattleik. Liðið vann nauman sigur á Ferndorf í kvöld, 24:23.
Aue var á botni deildarinnar eftir átta leiki. Liðið vann fyrsta leik sinn í haust en hefur síðan tapað sjö leikjum í röð. Úr varð spennuleikur í kvöld þar sem jafnt var í hálfleik, 12:12, en Aue hafði betur eftir mikla spennu í lokin.
Árni Þór Sigtryggsson var næstmarkahæstur hjá Aue í kvöld með fjögur mörk. Bjarki Már Gunnarsson komst ekki á blað og Sigtryggur Daði Rúnarsson var ekki með.
Aue er nú með fjögur stig eftir níu umferðir og er enn í fallsæti.