„Við áttum mjög góðan kafla undir lok fyrri hálfleiks þar sem við náðum fimm marka forskoti sem var gott að fara með inn í hálfleikinn. Sem betur fer náðum við að mestu að halda því forskoti í síðari hálfleik,“ sagði Helena Rut Örvarsdóttir, markahæsti leikmaður Stjörnunnar eftir að bikarmeistarar síðasta árs tryggðu sér réttinn til þess að leika til úrslita annað árið í röð. Það gerði Stjörnuliðið með því að vinna Selfoss með fjögurra marka mun, 27:23, í Laugardalshöll í gærkvöldi.
Stjarnan var með fimm marka forskot í hálfleik, 15:10. Eins og Helena nefndi var það forskot liðinu mikilvægt fyrir síðari hálfleikinn. Forskotið góða náðist á síðustu fjórum mínútum síðari hálfleiks. Þá skoraði Stjarnan fimm mörk gegn einu. „Við tóku leikhlé í stöðunni 11:9 til þess að benda leikmönnum á að leika af aga síðustu mínúturnar til þess að hafa góða stöðu í hálfleik. Því miður þá tókst það alls ekki. Leikmenn fóru fram úr sér og við fengum fimm mörk á okkur í röð,“ sagði Sebastian Alexandersson, þjálfari Stjörnunnar, vonsvikinn í leikslok. „Á þessum kafla töpuðum við leiknum.“ Það voru orð að sönnu
Sjá greinina í heild sinni í íþróttablaði Morgunblaðsins í dag.