Theodór og Steinunn valin þau bestu

Theodór Sigurbjörnsson og Steinunn Björnsdóttir úr Fram voru valin bestu leikmenn Olís-deildar karla og kvenna í handknattleik á nýliðinni leiktíð á lokahófi Handknattleikssambands Íslands sem stendur yfir í Gullhömrum í Grafarholti.

Annar Eyjamaður, Sandra Erlingsdóttir, og annar Framari, Viktor Gísli Hallgrímsson markvörður, voru valin efnilegustu leikmenn deildanna.

Theodór fór á kostum með ÍBV á keppnistímabilinu og var m.a. langmarkahæsti leikmaður deildarinnar með 233 mörk í 26 leikjum. Hann er  eini leikmaður deildarinnar sem skoraði meira en 200 mörk. Steinunn var lykilmaður í liði Fram sem varð Íslandsmeistari. Hún var kjölfestan í varnarleiknum og lék stórt hlutverk sem línumaður í sóknarleiknum.

Theodór var einnig valinn besti sóknarmaður deildarinnar og Steinunn hreppti hnossið í kjöri á besta varnarmanni Olís-deildar kvenna. Hún hlaut einnig Sigríðarbikarinn sem kenndur er við Sigríði Sigurðardóttur, fyrrverandi landsliðsfyrirliða, leikmann Vals og íþróttamann ársins 1964.

Íslands- og bikarmeistarar Vals áttu aðeins einn verðlaunahafa í hófinu í kvöldi, Orra Frey Gíslason. Hann hlaut Valdimarsbikarinn sem afkomendur Valdimars Sveinbjörnsson gáfu fyrir nokkrum árum til minningar um frumkvöðul handknattleiks hér á landi. 

Það eru þjálfarar liða í úrvalsdeildinni sem velja mikilvægustu leikmenn úrvalsdeildar kvenna og karla sem hljóta Valdimarsbikarinn í karlaflokki og Sigríðarbikarinn í flokki kvenna. 

Besti varnarmaður Olís-deildar karla var valinn Ágúst Birgisson, leikmaður deildarmeistara FH. Hrafnhildur Hanna Þrastardóttir, markadrottning Olís-deildar kvenna, þótti skara fram úr öðrum sóknarkonum deildarinnar.

Framarar hlutu fleiri verðlaun því Guðmundur Helgi Pálsson, þjálfari karlaliðsins, og Stefán Arnarson, sem stýrði kvennaliðinu, voru valdir þjálfarar ársins í Olís-deildinni.

Sveinbjörn Pétursson, Stjörnunni, og Guðrún Ósk Maríasdóttir, Fram, voru kjörin bestu markverðir Olís-deildanna.

Í fyrsta sinn í 10 ár var Anton Gylfi Pálsson ekki annar hluti dómaraparsins sem valið var það besta á leiktíðinni. Að þessu sinni voru Heimir Örn Árnason og Sigurður Hjörtur Þrastarson valdir fremsta dómarapar Íslandsmótsins. Allt frá árinu 2007 hefur Anton Gylfi verið annar hlutinn í dómarapari ársins, fyrstu árin með Hlyni Leifssyni en síðustu þrjú ár ásamt Jónasi Elíassyni.

Nöfn allra verðlaunahafa í lokahófi HSÍ í kvöld:

Háttvísiverðlaun HDSÍ kvenna 2017:

                       Laufey Ásta Guðmundsdóttir – Grótta

Háttvísiverðlaun HDSÍ karla 2017:

                       Andri Þór Helgason - Fram

Unglingabikar HSÍ 2017: HK

Markahæsti leikmaður 1.deildar kvenna 2017:

                       Alina Molkova - Víkingur með 238 mörk

Markahæsti leikmaður 1.deildar karla 2017:

               Jón Kristinn Björgvinsson – ÍR með 158 mörk

Markahæsti leikmaður Olís-deildar kvenna 2017:

                       Hrafnhildur Hanna Þrastardóttir – Selfoss með 174 mörk

   Markahæsti leikmaður Olís-deildar karla 2017:

                       Theodór Sigurbjörnsson - ÍBV með 233 mörk

Besti varnarmaður 1. deildar kvenna 2017:

                       Berglind Þorsteinsdóttir - HK

Besti varnarmaður 1. deildar karla 2017:

                       Sveinn Þorgeirsson - Fjölnir

Besti varnarmaður Olís-deildar kvenna 2017:

                       Steinunn Björnsdóttir - Fram

Besti varnarmaður Olís-deildar karla 2017:

                       Ágúst Birgisson - FH

Besti sóknarmaður 1. deildar kvenna 2017:

                Alina Molkova - Víkingur

Besti sóknarmaður 1. deildar karla 2017:

                Jón Kristinn Björgvinsson - ÍR

Besti sóknarmaður Olís-deildar kvenna 2017:

                       Hrafnhildur Hanna Þrastardóttir - Selfoss

Besti sóknarmaður Olís-deildar karla 2017:

                       Theodór Sigurbjörnsson - ÍBV

Besti markmaður 1. deildar kvenna 2017:

                        Margrét Ýr Björnsdóttir - HK

Besti markmaður 1. deildar karla 2017:

                        Einar Baldvin Baldvinsson - Víkingur

Besti markmaður Olís-deildar kvenna 2017:

                       Guðrún Ósk Maríasdóttir - Fram

Besti markmaður Olís-deildar karla 2017:

                       Sveinbjörn Pétursson - Stjarnan

Besta dómaraparið 2017:

                       Heimir Örn Árnason – Sigurður Hjörtur Þrastarson

Sigríðarbikarinn 2017:

                       Steinunn Björnsdóttir - Fram

Valdimarsbikarinn 2017:

                       Orri Freyr Gíslason - Valur

Besti þjálfari í 1. deild kvenna 2017:

                       Jónatan Þór Magnússon – KA/Þór

Besti þjálfari í 1. deild karla 2017:

                       Arnar Gunnarsson – Fjölnir

                        Besti þjálfari Olís-deildar kvenna 2017:

                       Stefán Arnarson - Fram

Besti þjálfari Olís-deildar karla 2017:

                       Guðmundur Helgi Pálsson - Fram

Efnilegast leikmaður 1. deildar kvenna 2017:

                                                        Andrea Jacobsen - Fjölnir

Efnilegast leikmaður 1. deildar karla 2017:

                                                        Sveinn Jóhannsson - Fjölnir

Efnilegasti leikmaður Olís-deildar kvenna 2017:

                       Sandra Erlingsdóttir - ÍBV

                                       Efnilegast leikmaður Olís-deildar karla 2017:

                                                       Viktor Gísli Hallgrímsson - Fram

Leikmaður ársins í 1. deild kvenna 2017:

                        Martha Hermannsdóttir – KA/Þór

Leikmaður ársins í 1. deild karla 2017:

                        Jón Kristinn Björgvinsson - ÍR

Besti leikmaður Olís-deildar kvenna 2017:

                       Steinunn Björnsdóttir - Fram

Besti leikmaður Olís-deildar karla 2017:

                       Theodór Sigurbjörnsson - ÍBV