Handknattleikslið Aftureldingar í karlaflokki fer í dag til Finnlands þar sem það tekur þátt í fjögurra liða æfingamóti sem haldið verður á heimavelli finnsku meistaranna, Cocks, í bænum Riihimäki, norðan Helsinki.
Auk liða Aftureldingar og Cocks taka Ólafur Gústafsson og félagar í danska liðinu Kolding þátt og hvítrússneska liðið Meshkov Brest. Síðarnefnda liðið leikur í Meistaradeild Evrópu en stillir ekki upp sinni sterkustu sveit í mótinu þar sem margir leikmenn eru nú að með landsliðum sínum í EM í Króatíu.
Einar Andri Einarsson, þjálfari Aftureldingar, sagði við Morgunblaðið í gær að Birkir Benediktsson gæti leikið með liðinu á mótinu í Finnlandi. Hann hefur jafnað sig eftir að hafa fingurbrotnað í nóvember.