Karen Knútsdóttir, fyrirliði íslenska kvennalandsliðsins í handknattleik og leikmaður Fram, segir að endurhæfing og uppbygging gangi vel hjá sér. Hún sleit hásin í viðureign Fram og Stjörnunnar í Meistarakeppni HSÍ í byrjun september. „Ef fram heldur sem horfir mæti ég vonandi til leiks með Fram í mars,“ sagði Karen við Morgunblaðið í gær.
Karen flutti heim á liðnu sumri eftir sex ára veru í atvinnumennsku hjá félögum í Evrópu. iben@mbl.is