Í morgun var dregið í riðla fyrir úrslitakeppni EM U-20 ára karlaliða í handknattleik en mótið fer fram í Slóveníu í sumar frá 19.-29. júlí.
Íslenska liðið var í öðrum styrkleikaflokki og dróst í riðil með Þýskalandi, Svíþjóð og Rúmeníu. Tvö efstu lið riðilsins komast í 8 liða úrslit.
Mótið fer fram í Celje sem er 40.000 manna borg í 80 km fjarlægð frá höfuðborginni Ljubljana. Eitt öflugasta félagslið Evrópu, Celje Pivovarna Lasko, kemur frá þessari borg og er mikil hefð fyrir handbolta á þessu svæði. Íslenska A-landsliðið lék sína leiki í lokakeppni EM 2004 í íþróttahöllinni í Celje.
Bjarni Fritzson er þjálfari U-20 ára liðsins.