Íslendingaliðið í Kristianstad er í erfiðri stöðu eftir fyrri leikinn við Flensburg á heimavelli í 16-liða úrslitum Meistaradeildar Evrópu í handbolta í dag. Flensburg vann 26:22-sigur og fer því með fjögurra marka forystu í síðari leikinn í Þýskalandi.
Ólafur Andrés Guðmundsson skoraði tvö mörk, Gunnar Steinn Jónsson eitt en Arnar Freyr Arnarsson komst ekki á blað hjá Kristianstad. Seinni leikurinn fer fram næstkomandi miðvikudag.