Rhein-Neckar Löwen missti toppsæti sitt í þýsku efstu deildinni í handknattleik í dag eftir 25:25-jafntefli gegn Erlangen.
Guðjón Valur Sigurðsson átti stórleik fyrir Löwen og skoraði sjö mörk og Alexander Petersson skoraði þrjú en það dugði ekki til og landi þeirra, Aðalsteinn Eyjólfsson, gerði þeim grikk.
Aðalsteinn er þjálfari Erlangen sem situr í 13. sæti með 23 stig. Löwen er nú einu stigi frá toppliði Flensburg sem vann sinn leik í dag en á þó leik til góða. Fjórar umferðir eru eftir af deildinni.