Fjórir leikmenn úr franska meistaraliðinu Paris SG eru í úrvalsliði Meistaradeildar karla í handknattleik en evrópska handknattleikssambandið opinberaði úrvalsliðið í dag.
Um þessa helgi verður leikið til úrslita í Meistaradeild Evrópu í Lanxess-höllinni glæsilegu í Köln. Undanúrslitin fara fram á morgun en þá mætast annars vegar Nantes og Paris SG og hins vegar Vardar og Montpellier. Sigurliðin mætast svo í úrslitaleiknum á sunnudaginn en tapliðin leika um þriðja sætið.
Úrvalsliðið lítur þannig út:
Markvörður: Arpad Sterbik – HC Vardar
Vinstra horn: Uwe Gensheimer (GER) – Paris SG
Skytta vinstra megin: Sander Sagosen – Paris SG
Leikstjórnandi: Nikola Karabatic – Paris SG
Línumaður: Bjarte Myrhol – Skjern Håndbold
Skytta hægra megin: Dika Mem – FC Barcelona
Hægra horn: David Balaguer – HBC Nantes
Varnarmaður: Luka Karabatic (FRA) – Paris SG
Besti ungi leikmaðurinn: Romain Lagarde – HBC Nantes
Þjálfari: Patrice Canayer – Montpellier